Сіноптыкі паабяцалі беларусам сапраўдная лета

Да +30°C.

Пачатак лета, мяркуючы з прагнозаў сіноптыкаў, у Беларусі будзе вельмі цёплым. Спецыялісты спрагназавалі адыход прахалоднага антыцыклону ў глыб Расеі на наступным тыдні і распавялі, у якой вобласці і калі чакаць да +30°С і "нават гарачэй".

З інфармацыі Telegram-канала Nadvorie, тэмпературны кантраст паміж заходняй і ўсходняй часткай Беларусі на тыдні з 27 траўня да 2 чэрвеня выраўняецца. На тэрыторыю Беларусі будзе паступаць цяпло з поўдня Расеі, з раёна Каспійскага мора.

У чацвер, 23 траўня, і ў пятніцу, 24 траўня, у краіне магчымыя навальнічныя дажджы, а вось у суботу, 1 чэрвеня, тэмпература пачне падвышацца. Так, у Берасці, мяркуючы са звестак сэрвісу Windy.com, паветра ў гэты дзень прагрэецца да +30°С. У Менску ж 1 чэрвеня чакаецца +26°С, у Віцебску - +22°С, у Гародні - +27°С, Гомелі - +27°С, Магілёве - +26°С.

А вось у нядзелю, 2 чэрвеня, у Берасці, паводле звестак сэрвісу, будзе ўжо +31°С. У Менску паветра прагрэецца да +26°С, у Віцебску - +27°С, Гародні - +26°С, Гомелі - +28°С, Магілёве - +28°С.