15 чэрвеня 2024, Субота, 21:24
Падтрымайце
сайт
Сім сім,
Хартыя 97!
Рубрыкі

ЗША запатрабавалі ад Расеі тлумачэнняў праз планы «пасунуць» межы ў Балтыйскім моры

12
ЗША запатрабавалі ад Расеі тлумачэнняў праз планы «пасунуць» межы ў Балтыйскім моры

Падрабязнасці агучыў спікер Дзярждэпа Мэцью Мілер.

ЗША патрабуюць, каб Расея дала тлумачэнні адносна так званай «змены» межаў з Літвой і Фінляндыяй у Балтыйскім моры.

Пра гэта паведаміў спікер Дзяржаўнага дэпартамента Мэцью Мілер у Twitter (X).

Ён заявіў, што ЗША салідарныя з партнёрамі з NАТО і ЕЗ у дзеяннях Расеі і яе правакацыях на мяжы з Балтыяй.

Дзярждэп ЗША патрабуе ад Масквы тлумачэнняў наконт яе «загаду».

«Цяпер Расея сее блытаніну на межах NАТО/ЕЗ. Мы салідарныя з нашымі супольнікамі ў краінах Балтыі і Балтыйскага мора перад апошнімі правакацыямі і заклікаем Расею растлумачыць свае дзеянні», - адзначыў Мілер.

Ён таксама дадаў, што Злучаныя Штаты пільна сочаць за сітуацыяй з супольнікамі.

Нагадаем, 21 траўня на сайце ўрада Расеі з'явіўся «загад» пра нібыта аднабаковую змену мяжы з Літвой і Фінляндыяй у Балтыйскім моры. Змяненні было прапанаванае Міністэрствам абароны РФ. Але пасля агучвання дакумент знік з сайта.

Напісаць каментар 12

Таксама сачыце за акаўнтамі Charter97.org у сацыяльных сетках