Лукашэнка паддобрываецца да краіны, якой нядаўна насаліў

Дыктатара папярэдзілі пра парушэнне нормаў міжнароднага права.

Аляксандр Лукашэнка выказаў надзею ў «найбліжэйшы час аднавіць паўнацэннае ўзаемадзеянне» з Грузіяй, паведамляе ягоная прэс-служба. Пры гэтым летась дыктатар сустракаўся з кіраўніком самаабвешчанай Абхазіі Асланам Бжанія, што выклікала асуджэнне з грузінскага боку.

У Грузіі заклікалі «перастаць рабіць дзеянні, якія супярэчаць асноватворным прынцыпам і нормам міжнароднага права». Год таму дыктатар і сам наведваў гэтую тэрыторыю.

Абхазія, як і Асеція – два непрызнаныя ўтварэнні, якія ўзніклі на Каўказе пасля вайны Расеі і Грузіі ў 2008 годзе.