14 чэрвеня 2024, Пятніца, 19:50
Падтрымайце
сайт
Сім сім,
Хартыя 97!
Рубрыкі

Гішпанія выдасць Украіне рэкордны пакет вайсковай дапамогі

1
Гішпанія выдасць Украіне рэкордны пакет вайсковай дапамогі

На больш як 1,1 мільярд еўраў.

Гішпанія збіраецца выдаць Украіне пакет вайсковай дапамогі коштам 1,129 мільярда еўра. Аб перадачы дапамогі абвесцяць падчас візіту прэзідэнта Украіны Уладзіміра Зяленскага ў Мадрыд.

Пра гэта паведамляе РБК-Украіна са спасылкай на El Pais.

Крыніцы выдання адзначаюць, што гэта беспрэцэдэнтная лічба гішпанскай вайсковай дапамогі Украіне ці любой іншай краіне.

У адрозненне ад мінулых гадоў, большая частка матэрыялаў будзе ўзятая не з арсеналаў узброеных сіл, а будзе вырабленая спецыяльна гішпанскай прамысловасцю.

Новы пакет дапамогі будзе ўключаць у сябе пастаўку другой партыі зенітных ракет Patriot, якія будуць дададзеныя да паўтузіна, ужо пастаўленых у красавіку. Агулам Міністэрства абароны Гішпаніі дасць Кіеву тузін гэтых зэнітных ракет, здольных перахапляць крылатыя ракеты, з дапамогай якіх Расея знішчае нервовыя цэнтры і інфраструктуру Украіны.

Акрамя таго, у дадатак да дзесяці баявых танкаў Leopard 2A4, пастаўленых летась, будуць пастаўленыя 19 патрыманых баявых танкаў Leopard 2A4.

Чакаецца, што Украіна атрымае пакет дапамогі да 30 чэрвеня.

Напісаць каментар 1

Таксама сачыце за акаўнтамі Charter97.org у сацыяльных сетках