Роднасныя душы

Талібан становіцца новым кліентам РФ.

Тэрарыстычная арганізацыя Талібан, якая захапіла ўладу ў Афганістане ў 2021 годзе, хутка абзавядзецца новым шчырым сябрам. Расейскі МЗС на чале з Лаўровым ініцыяваў, а Мінюст на чале з Чуйчанкам узгадніў прапановы аб выключэнні талібаў са спісу тэрарыстычных арганізацый. Цяпер фінальная пастанова за Пуціным, і верхавод крамлёўскай тэрарыстычнай зграі, здаецца, пойдзе на адыёзную меру, падкрэсліваючы сваю вядомую сутнасць.

Варта нагадаць, што 21 год таму рух Талібан атрымаў кляймо тэрарыстычнай арганізацыі ў РФ, але гэта зусім не перашкодзіла расейскім уладам развіваць розныя формы ўзаемадзеяння з тэрарыстамі. Масква даўно бачыць у талібах роднасныя душы, якія пераследуюць падобныя мэты і дзейнічаюць падобнымі сярэднявечнымі метадамі. Крок на сустрэчу талібам азначае скочванне Расеі ў кірунку далейшага закарэлага кансерватызму, палітычную дэмадэрнізацыю краіны.

Галоўная прычына згодна з якой талібаў мае сэнс прызнаць у тым, што яны «рэальная ўлада», а значыць з імі нельга не лічыцца. Даволі хісткая фармулёўка, бо згодна з такой жа логікай можна прызнаць, да прыкладу, практычна такіх жа джыхадыстаў у краінах Сахеля. Тут баевікі, якія маюць ідэалогію роднасную талібам, кантралююць вялізныя прасторы, а расейскія найміты вядуць з імі барацьбу, таксама як некалі амерыканцы ваявалі з Талібан. Калі прытрымлівацца недасканалай логікі Лаўрова, то РФ прызнае рэжым, які сфармуе Аль-Каіда, як рэальная ўлада, калі захопіць Бамака або Ніамей. Падвойныя стандарты Крамля ў дзеянні.

Варта адзначыць, што легалізацыя Талібаў у расейскім прававым полі, калі наогул дарэчы гэты тэрмін ужываць да пуцінскага беззаконня, дасць магчымасць перайсці ад працы з Талібамі ў ГРУ да фармавання паўнавартаснай кааліцыі. Вастрыё дзейнасці групоўкі будзе накіраванае на выкараненне ІДІЛ. У адрозненне ад джыхадзістаў-нацыяналістаў з Талібан, ІДІЛ - джыхадзісты-інтэрнацыяналісты, якія ставяць задачу стварэння глабальнага Халіфата, часткай якога стане не толькі афганская тэрыторыя, але і краіны Цэнтральнай Азіі і Расея, якая перажывае наплыў цэнтральна-азіяцкіх мігрантаў.

Ні для каго ўжо не сакрэт, што ідзілаўцы, якія ваююць з талібамі, надумалі адпомсціць Маскве за падтрымку новапаказаных кіраўнікоў эмірата Афганістан. Гэта ўвасобілася ў выглядзе найбуйнейшага тэракту, арганізаванага таджыкамі з ІДІЛ-Харасан у «Крокусе» у сакавіку 2024 года. Паколькі ў ФСБ заяўляюць сваім буйным дасягненнем раскрыццё планаў цэлай серыі новых тэрактаў з боку ІДІЛ, то заканамерная цікавасць Лубянкі да наладжвання сувязяў з Талібан для атрымання ад іх правоў на доступ да афганскай тэрыторыі, дзе канцэнтруюцца сілы ідзілаўцаў з мэтай рэалізацыі акцый адплаты.

Пуцін даў указанне любымі сродкамі нейтралізаваць не толькі сеткі, але рассаднік ІДІЛ, а таму тая цана, якую талібы заплацяць за прызнанне, будуць ільготныя ўмовы для прыбывання расейцаў з ПВК на афганскай тэрыторыі і абсталяванне расейскіх вайсковых аб'ектаў у шэрагу мясцовасцяў эмірата. Фактычна Талібан становіцца новым кліентам РФ, таксама як раней імі сталі вайсковыя хунты ў Афрыцы.

Чаканы масаваны заход расейскіх шураві ў Афган ужо выклікае моцную незадаволенасць, як з боку ўрада Рахмона ў Таджыкістане, які баіцца талібаў, як агню, так і з боку кітайцаў, якія даўно легальна працуюць з талібамі. Страчваючы ніткі кіравання ў рамках АДКБ, які канае, Масква шукае новыя пункты прыкладання сваіх намаганняў, але ўзніклыя экзатычныя канфігурацыі могуць падпаліць саму Расею, дзе талібы ў кожным выпадку абзавядуцца шырокай агентурай уплыву, пасля таго, як з іх здымуць шыльду тэрарыстаў, ператварыўшы ў правільных хлопцаў...

Telegram-канал «Сито Сократа»