Авіяэкспэрт: Украіна адказала на вучэнні ў Беларусі

І ядзерныя пагрозы РФ.

Авіяэкспэрт і аналітык Канстанцін Крывалап мяркуе, што знішчэнне расейскай РЛС "Варонеж-ДМ" пад Армавірам звязана з правядзеннем у Беларусі супольных з Расеяй вучэнняў Паветраных сіл і СПА і з'яўляецца адказам на пагрозы РФ "ядзернай дубінкай". Аб гэтым ён сказаў у эфіры тэлемарафону, піша unian.net.

Экспэрт адзначыў, што сістэма "Варонеж" з'яўляецца складнікам расейскага адзінага комплексу "купал" для выяўлення ракет розных тыпаў і папярэджання аб нападзе. У гэты "купал" павінны былі ўваходзіць 10 станцый "Варонеж-М" і "Варонеж-ДМ", а таксама касмічныя спадарожнікі "тундра".

“Станцыя, якая стаіць у Ворску, яна назірае Кітай, Індыю, Пакістан і акваторыю Індыйскага акіяна. Гэтыя станцыі ў Армавіры, якія мы сур'ёзна пашкодзілі, яны назіралі краёчак Украіны, Крым і ўвесь рэгіён блізкага ўсходу. Гэта значыць гэтая сістэма здаецца, што не мае дачынення да Украіны, але калі мы будзем аналізаваць і супастаўляць розныя падзеі і тое, што папярэднічала гэтаму, то можна выбудаваць версію”, - адзначыў Крывалап.

Ён нагадаў, што “Варонеж-ДМ” была пашкоджаная дронам, які лятае на 1800 км, што патрабуе сур'ёзнай падрыхтоўкі і праграмы.

“Наўрад ці гэта было б проста так зроблена: запусцілі дрон, каб ён проста што-небудзь знішчыў. Расея зараз праводзіць вучэнні з выкарыстаннем ядзерна-тактычнай зброі. Яны трасуць гэтай "ядзернай дубінкай" і пагражаюць усім. І ёсць вельмі канкрэтны адказ амерыканцам: калі вы зробіце нейкі тактычны ядзерны ўдар па Украіне, можа там нават ніхто і не загіне, але мы знішчым усё, што ў вас ёсць на тэрыторыі краіны”, - сказаў Крывалап.

Экспэрт мяркуе, што ўдар будзе з боку караблёў амерыканскага флоту, з эсмінцаў і іншых носьбітаў ракет, хутчэй за ўсё "Тамагаўкамі".

“І я думаю, гэта хутчэй за ўсё, гэта адказ на пагрозы расейцаў і такі канкрэтны адказ: мы знішчым усё (усе РЛС “купалы”) і вы не зможаце нічога ўбачыць, не зможаце нічога прычыніць, таму не рабіце гэта. Такая ў мяне версія. Гэта значыць, гэта адказ на пагрозу расейцаў нешта зрабіць з тактычным ядзерным узбраеннем”, - рэзюмаваў аналітык.