19 чэрвеня 2024, Серада, 6:39
Падтрымайце
сайт
Сім сім,
Хартыя 97!
Рубрыкі

Канада дазволіла выкарыстоўваць сваю зброю для ўдараў па цэлях у Расеі

4
Канада дазволіла выкарыстоўваць сваю зброю для ўдараў па цэлях у Расеі

Кіраўніца МЗС Канады адзначыла, што яе краіна не мае ніякіх умоў для УСУ.

Узброеныя Сілы Украіны могуць выкарыстоўваць зброю, якую перадала Канада, для ўдараў па вайсковых цэлях на расейскай тэрыторыі - Атава не ставіла Кіеву ніякіх умоў. Пра гэта заявіла канадская міністарка замежных спраў Мелані Жолі падчас прэс-канферэнцыі са швэдскім калегам Табіясам Більстрэмам.

Са слоў Жолі, пытанне пра такі дазвол з'яўляецца важным для Канады. Яна адзначыла, што гаварыла з кіраўніком МЗС Швэцыі аб зняцці абмежавання для Украіны для знішчэння цэляў у РФ зброяй супольнікаў.

"І ў Канадзе няма ніякіх умоў для паставак зброі ва Украіну, таму мы будзем працягваць працаваць з Узброенымі Сіламі Украіны", - сказала яна.

Канадская міністарка мяркуе, што ейная краіна павінна быць у першых шэрагах у гэтым пытанні, таму што ў Расеі няма "чырвоных ліній" у вайне. Яна падкрэсліла, што Атава гатовая далей дапамагаць Украіне і паказаць дзяржаве, што Канада на яе старане.

Яна таксама дадала, што на наступных сустрэчах з супольнікамі з NАТО ейная дзяржава абмяркуе гэты дазвол з іншымі краінамі.

Напісаць каментар 4

Таксама сачыце за акаўнтамі Charter97.org у сацыяльных сетках