Беларусь стала яшчэ на крок бліжэй да дэвальвацыі

Яе набліжае пастанова Лукашэнкі.

У Беларусі маюць намер увесці змяненні ў льготных спажывецкіх крэдытах, якія можна атрымаць на набыццё айчынных тавараў. Аб гэтым заявіў Лукашэнка 29 траўня ў Воршы, дзе ён наведаў завод «Легмаш». Нагадаем, з-за падвышанага попыту на крэдыты Нацбанк бачыць рызыкі дэвальвацыі і скачка коштаў, піша «Зеркало».

Цяпер такія пазыкі дазваляюць набываць айчынныя тавары на суму да 12 тысяч рублёў пад 4% гадавых на тры гады.

Плануецца пашырыць колькасць прадпрыемстваў, прадукцыю якіх можна набываць такімі крэдытамі, - са 120 да 140-150. Не выключана, што крыху знізіцца і адсоткавая стаўка на гэты крэдыт.

Раней Нацбанк таксама заяўляў аб інфляцыйных і дэвальвацыйных рызыках для беларускай эканомікі, якія звязаны ў тым ліку з тым, што насельніцтва і бізнэс актыўна набіраюць крэдыты. Экспэрты таксама бачаць у гэтым рызыкі для нацыянальнай валюты. Гэта значыць, атрымліваецца свайго кшталту пастка: павелічэнне заробкаў прыводзіць да росту спажывання і актыўнага крэдытавання праз даволі нізкія адсоткавыя стаўкі (гэта значыць расце дабрабыт насельніцтва), што, у сваю чаргу, пагражае разгонам інфляцыі і дэвальвацыі (падзеннем узроўню дастатку). Адна з прычын такой сітуацыі - разрыў паміж ростам заробкаў і прадукцыйнасцю працы (першы паказчык дадае больш актыўна).