Медсястра страціла прытомнасць: новыя падрабязнасці пра «ўваскрэслага» кітайца, які выявіўся якутам
24- 31.05.2024, 10:02
- 12,240
![Медсястра страціла прытомнасць: новыя падрабязнасці пра «ўваскрэслага» кітайца, які выявіўся якутам](https://i.c97.org/ai/597118/aux-head-1717138921-20240326_foto2_360.jpg)
Да акупанта нібы з'явіўся Лука Крымскі.
У пачатку бягучага тыдня ў Сеціве з'явіліся кадры, як протаіерэй РПЦ Арцемій Уладзіміраў распавёў дзіўны выпадак "уваскрашэння" з мёртвых кітайца, які ваяваў ва Украіне і быў забіты.
Сёння, 31 траўня, у Сеціве з'явіліся новыя кадры прапагандыстаў, на якіх можна ўбачыць "героя роліка" пра цудоўнае "ўваскрашэнне", піша dialog.ua.
Рэсурс RTVI на канале "Спас" у перадачы "У пошуках бога" паказаў "кітайца". Ім выявіўся якут Дулустаан Іваноў. Не выключана, што гаворка ідзе пра падзеі яшчэ 2022 года, але толькі зараз Крэмль узяўся за гэты сюжэт.
Іваноў заявіў, што пачаў ужо развітвацца з жыццём, калі яму з'явіўся чалавек у белай высокай шапцы, як карона, а на ім быў вялікі залаты крыж. У РПЦ прыйшлі да высновы, што гаворка ідзе пра святога Луку Крымскага. Нібыта лекары канстатавалі смерць Іванова, але ён “цудам” ажыў, што нават медсястра страціла прытомнасць. Пасля гэтых падзей якут з усёй сваёй сям'ёй прыняў праваслаўе.