«Лукашэнку чакае процьма непрыемных адкрыццяў у Манголіі»

Падрыхтаваныя прамовы варта перапісаць.

Сіняпалы адпраўляецца з візітам у Манголію. Асноўныя спонсары візіту Пётр Пархомчык і Уладзімір Япрынцаў. Першы - некалі дырэктар "БелАЗ", другі - вядомы самбіст і бізнэсовец, адзначае тэлеграм-канал "Нік і Майк".

Менавіта шмат у чым дзякуючы таму, што самба з савецкіх часоў - гэта крыху больш, чым спорт, а структура крыху больш нагадвае італьянскую мафіёзную сям'ю або братэрства, з мангольскім кіраўніцтвам дастаткова даўно на сувязі “у спартыўнай лініі”. Праз яе ж прадаваліся "БелАЗы" ў гэтую краіну.

Сіняпалы хоча тэму ўзаемнага гандлю прадоўжыць і паглыбіць, пашырыўшы асартымент прадукцыі, якая пастаўляецца, перш за ўсё прадуктаў харчавання, а таксама ўцягнуць яшчэ адну краіну ў абыход санкцый.

Аднак ёсць і абмежаванні. У Манголіі свой погляд на сусветную гісторыю і вайну супраць Украіны. Сіняпалага гісторыка чакае процьма непрыемных адкрыццяў. Ягонаму старэйшаму брату недакурку ўжо адзін раз намякнулі, што калі Манголія надумае аднаўляць “гістарычную справядлівасць”, то Расеі на карце месца не будзе.

Нарыхтаваныя прамовы пра вечнае братэрства і адсутнасць канфліктаў паміж беларусамі і манголамі варта перапісаць.