Пашынян пастанавіў не ляцець у Менск
10- 31.05.2024, 19:33
- 7,992
![Пашынян пастанавіў не ляцець у Менск](https://i.c97.org/ai/400085/aux-head-1604995103-20201110_nikol_pashinan_360.jpg)
І не першы раз.
Прэм'ер-міністр Арменіі Нікол Пашынян можа не прыляцець на пасяджэнне Еўразійскай міжурадавай рады ў Менску, якое збіраюцца правесці падчас выставы «Белагра» ў пачатку чэрвеня. Са слоў кіраўніка беларускага ўрада Рамана Галоўчанкі, Арменія можа быць прадстаўленая на ўзроўні віцэ-прэм'ера.
«Атрыманая інфармацыя, што, канечне, усе прэм'еры будуць. Арменію, магчыма, будзе прадстаўляць віцэ-прэм'ер. Будзе прэм'ер-міністр Узбекістана як краіны-назіральніцы і ганаровым госцем будзе прэм'ер-міністр Азербайджана. Цікавасць такая не ў апошнюю чаргу звязана з тым, што мы будзем праводзіць пленарную сесію харчовай бяспекі ЕАЭС на базе нашай выставы "Белагра", - сказаў Галоўчанка ў Воршы.
Нагадаем, Пашынян не першы раз ігнаруе мерапрыемствы ў Менску. 23 лістапада 2023 года ён адмовіўся ехаць на саміт АДКБ.