«Мяняюць правілы гульні»: Украіна атрымае экспэрыментальныя дальнабойныя набоі

Бяспечных месцаў для расейцаў стане яшчэ менш.

Украіна на трэцім годзе поўнамаштабнай вайны адчайна мае патрэбу ў зброі і боепрыпасах. У той жа час заходнія кампаніі маюць перадавыя распрацоўкі, якія могуць узмацніць магчымасці УСУ.

Пра гэта распавёў генеральны дырэктар нямецкага зброевага гіганта Rheinmetall Армін Папергер у размове з Handelsblatt. Паводле ягоных слоў, размова ідзе аб перадавых артылерыйскіх набоях, з вялікай далёкасцю паразы.

"Украіне перададуць прататыпы артылерыйскіх набояў далёкасцю палёту 100 кіламетраў", — сказаў ён.

Папергер адзначыў, што кампанія цяпер у асноўным сканцэнтравала намаганні на вытворчасці артылерыйскіх боепрыпасаў, паколькі менавіта яны "мяняюць правілы гульні".

“Расея выпускае вялікую колькасць набояў. Украіна, з іншага боку, можа адказаць на гэтыя напады толькі ў абмежаванай ступені з-за іх нястачы. Заходні свет не гатовы да звычайнай вайны”, — дадаў ён.

Паводле ягоных слоў, Rheinmetall да пачатку ўварвання вырабляў блізу 70 тысяч набояў у год, аднак у 2024 годзе канцэрн можа выйсці на 700 тысяч. Пры гэтым можа нарасціць вытворчасць і да 1,1 мільёна за год.

Украіна ўжо атрымлівала ад Захаду дальнабойныя набоі Vulcano, якія ў розных мадыфікацыях маюць далёкасць знішчэння ад 50 да 70 кіламетраў. Аднак іх ва УСУ было перададзена некалькі сотняў.

Колькі прататыпных набояў атрымаюцьУСУ ад Rheinmetall невядома, як і не пазначана пра што наогул ідзе гаворка.