Tesla адкліча больш за 125 тысяч электрамабіляў
3- 1.06.2024, 20:20
- 3,238
![Tesla адкліча больш за 125 тысяч электрамабіляў](https://i.c97.org/ai/597317/aux-head-1717262450-20240525_tesla_360.png)
Кампанія Маска выпусціць абнаўленне праграмнага забеспячэння, каб развязаць узніклую праблему.
Амерыканскі вытворца электракар Tesla адкліча 125227 аўтамабіляў у ЗША праз няспраўнасці ў сістэме папярэджання аб прышпільванні рамянёў бяспекі. Аб гэтым напярэдадні паведаміла агенцтва Reuters.
Так, у Нацыянальнай адміністрацыі бяспекі дарожнага руху ЗША (NHTSA) заявілі, што аўтамабілі Tesla не адказвалі федэральным патрабаванням бяспекі, бо папераджальны індыкатар і гукавы сігнал могуць не актывавацца належным чынам, калі кіроўца не прышпілены.
Адкліканне закране такія мадэлі электракараў як Model S 2012-2024, Model X 2015-2024, Model 3 2017-2023 і Model Y 2020-2023.
У NHTSA дадалі, што Tesla выпусціць абнаўленне праграмнага забеспячэння для развязанне гэтай праблемы.