Да +24°С чакаецца ў Беларусі ў сераду

Пройдуць моцныя дажджы.

Заўтра, 12 чэрвеня, у Беларусі зноў прагназуюць дажджы і навальніцы. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У сераду, 12 чэрвеня, чакаецца пераменная хмарнасць. Пераважна ў паўднёва-ўсходняй палове краіны пройдуць дажджы, у асобных раёнах прагназуюць навальніцы, раніцай і ўдзень месцамі моцныя дажджы. У начны і ранішні час месцамі будзе слабы туман. Вецер паўночна-заходні, 4–9 метраў за секунду, пры навальніцах парывы да 14 метраў за секунду. Уначы тэмпература паветра складзе ад +8°С на захадзе да +17°С на ўсходзе. Удзень слупкі тэрмометраў узнімуцца да 24°С.

У чацвер, 13 чэрвеня, будзе пераменная воблачнасць. Пераважна без ападкаў, толькі ўначы на ўсходзе Магілёўскай вобласці, а ўдзень месцамі на захадзе краіны пройдуць кароткачасовыя дажджы, удзень магчымыя навальніцы. Уначы і раніцай месцамі слабы туман. Вецер няўстойлівы, 3–8 метраў за секунду, пры навальніцах парывы да 14 метраў за секунду. Уначы прагназуюць ад +6°С да +13°С. Удзень тэмпература паветра складзе +17...+24°С.

У пятніцу, 14 чэрвеня, будзе пахмурна з прасвятленнямі. Уначы і раніцай на большай частцы, удзень месцамі па краіне пройдуць кароткачасовыя дажджы. У асобных раёнах будуць навальніцы. Уначы і раніцай месцамі слабы туман. Вецер няўстойлівы, 3–8 метраў за секунду, пры навальніцах парывы да 14 метраў за секунду. Уначы будзе +7...+14°С, удзень ад +17°С да +23°С.