У Чэхіі знайшлі мёртвым кіраўніка кампаніі, замяшанай у скандале з закупкай боепрыпасаў для Украіны

Спачатку паліцыя паведаміла пра суіцыд.

У Чэхіі знайшлі мёртвым старшыню рады дырэктараў крэдытнага звязу PDZ Роберта Зелянко, які быў замешаны ў справе аб кантракце на пастаўку ўзбраенняў паміж украінскім Мінабароны і кампаніяй «Львоўскі арсенал».

Пра гэта паведамляе NV

Цела мужчыны было знойдзена яшчэ 8 чэрвеня. Напярэдадні паліцыя аб'явіла Зелянко ў вышук: раніцай ён адвёз сваю дачку ў школу і знік. «Улічваючы тое, што ў апошні час зніклы мае псіхалагічныя праблемы і трывожныя станы, не выключаецца, што яго жыццю пагражае небяспека», - адзначалі ў паліцыі 7 чэрвеня.

Журналісты адзначаюць, што першапачаткова ў паведамленні паліцыі гаварылася аб тым, што зніклы мужчына «меркавана ўчыніў самагубства». Аднак пазней заява была адрэдагаваная «з павагі да сям'і нябожчыка», а згадка пра суіцыд прыбраная.

Зелянко ўзначальваў PDZ, на рахункі якой кампанія WDG promet сям'і харвацкага гандляра зброяй Дзвінка Зубака атрымлівала сродкі ад украінскага Міністэрства абароны. Пазней гэтыя грошы былі выведзены з PDZ гатоўкай.

У 2022 годзе WDG promet была задзейнічана ў двух кантрактах на закупку боепрыпасаў для УСУ: на 100 тысяч мінамётных мін і на 100 тысяч танкавых стрэлаў. Паводле кантракту аб мінах пасярэднікамі паміж Мінабароны і WDG былі славацкая кампанія Sevotech і ўкраінская - Львоўскі арсенал. А кантракт аб танкавых стрэлах паміж МАУ і WDG быў укладзены наўпрост.