Белы дом: Байдэн цвёрда верыць, што Рутэ стане выдатным генеральным сакратаром NATO

Палітыкі вельмі цесна ўзаемадзейнічалі цягам апошняга дзесяцігоддзя.

Дарадца Белага дому Джон Кірбі заявіў, што Вашынгтон вітае прызначэнне Марка Рутэ на пасаду генеральнага сакратара Паўночнаатлантычнага альянсу. Пра гэта паведамляе «Укрінфарм».

«Мы вітаем сённяшнюю аб'яву, што прэм'ер-міністр Нідэрландаў Марк Рутэ стане наступным генеральным сакратаром NATO», – адзначыў Кірбі.

Паводле ягоных словаў, Байдэн і Рутэ вельмі цесна ўзаемадзейнічалі цягам апошняга дзесяцігоддзя, у тым ліку калі Джо Байдэн быў віцэ-прэзідэнтам, а таксама цяпер, калі ён з'яўляецца вярхоўным галоўным камандзірам.

«Яны працуюць разам над рознымі пытаннямі, у тым ліку над нашай агульнай магутнай падтрымкай Украіны, абаронай перадавых тэхналогій і ўмацаваннем Трансатлантычнага альянсу. Прэзідэнт Байдэн цвёрда верыць, што Марк Рутэ стане выдатным генеральным сакратаром, і ён удзячны за ягоную гатоўнасць працаваць на гэтай пасадзе», – дадаў ён.

Чыноўнік таксама падзякаваў ад ураду Злучаных Штатаў Енсу Столтэнбергу за дзесяцігадовае лідарства ў Альянсе падчас найбуйнейшай з часоў Другой сусветнай вайны пагрозы для бяспекі Еўропы.

«Пад ягоным кіраўніцтвам альянс NATO стаў большым і мацнейшым, а адзінства хаўруснікаў дасягнула самага высокага ўзроўню, што было важным прыярытэтам для прэзідэнта Байдэна», – дадаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com