УСУ знішчылі Цэнтр касмічнай сувязі РФ падчас удару па Крыме

Інфармацыю пацвердзіла Мінабароны Украіны.

Сілы абароны Украіны на гэтым тыдні падбілі расейскі Цэнтр касмічнага сачэння і сувязі ў часова акупаваным Крыме.

Пра гэта паведамілі ў Міністэрстве абароны Украіны.

У абароннай установе адзначылі, што для войска РФ Цэнтр з'яўляецца важным ваенным складнікам у сістэме спадарожнікавай сувязі і навігацыі.

Акрамя таго, на гэтым тыдні ўкраінскія абаронцы падбілі зенітна-ракетны комплекс «Аса», штурмавы самалёт Су-25 і дзве рэактыўныя сістэмы залпавага агню БМ-21 «Град». Апошнія, як адзначылі ў Мінабароны, уважаюцца за вельмі магутную здабычу, бо іх надзвычай складана злавіць.

У ноч на 24 чэрвеня прагучала серыя гучных выбухаў у акупаваным Крыме. Пра гэта ў сацсетках напісалі жыхары Еўпаторыі і населеных пунктаў Малочнае і Віціна, а таксама крымскія тэлеграм-каналы.

Пасля СМІ апублікавалі спадарожнікавыя здымкі на тэрыторыі ваеннага аб'екта РФ у вёсцы Віціна пад Еўпаторыяй у акупаваным Крыме.

Паводле звестак OpenStreetMap, там знаходзіцца 40-ы асобны камандна-вымяральны комплекс (Цэнтр далёкай касмічнай сувязі), які ўваходзіць у склад Паветрана-касмічных сілаў РФ. Гэта, як згадвалася вышэй, важная вайсковая частка ў сістэме расейскай касмічнай сувязі і спадарожнікавай навігацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com