Беларусь і Расею канчаткова адрэзалі ад паўднёвакарэйскіх станкоў

Сеул увёў новыя санкцыі.

Паўднёвая Карэя забараніла экспартаваць у Расею і Беларусь яшчэ 243 найменні тавараў, паведамляе Yonhap са спасылкай на Міністэрства прамысловасці краіны.

Размова ідзе пра прадукцыю, якая патэнцыйна можа быць выкарыстаная ў ваенных мэтах. У абноўлены санкцыйны спіс увайшлі металарэзнае абсталяванне, дэталі аптычных прыбораў і датчыкі.

Дакумент пачне дзейнічаць у канцы лета, пасля чаго колькасць забароненых да экспарту ў РФ і РБ тавараў павялічыцца да 1402 года.

Масква раней спрабавала абыходзіць санкцыі, выкарыстоўваючы шэрыя схемы паставак. Так, у лютым паўднёвакарэйская мытня западозрыла двух мужчынаў у тым, што яны дапамагаюць увозіць у Расею абсталяванне для дакладнага машынабудавання, якое можна выкарыстоўваць пры вытворчасці зброі.

Паводле звестак праваахоўнікаў, прадпрымальнікі ў перыяд са жніўня 2022 годад снежня 2023 года незаконна паставілі ў Расею 98 станкоў на 15,5 млрд вонаў ($11,5 млн).

Праз санкцыі яны не маглі рабіць гэта адкрыта, таму дэкларавалі прадукцыю як станкі з нізкімі тэхнічнымі характарыстыкамі, для экспарту якіх на той момант не быў патрэбны дазвол. У дачыненні да падазраваных была распачатая справа, якую перадалі ў пракуратуру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com