Пуцін запатрабаваў аднавіць вытворчасць ракетаў для ядзернай вайны з Еўропай

Яны былі ліквідаваныя ў канцы 1980-х у межах дамовы з ЗША.

Расеі трэба аднавіць вытворчасць ракетаў сярэдняй і меншай далёкасці наземнага базавання, заявіў прэзідэнт РФ Уладзімір Пуцін на сустрэчы з сталымі чальцамі Рады бяспекі.

Ракеты з далёкасцю ад 500 км да 5,5 тысячы км, якія ў часы СССР былі начыненыя ядзернымі боегалоўкамі і нацэленыя на еўрапейскіх чальцоў NATO, былі знішчаныя ў канцы 1980-х у рамках дамовы, якую ў апошнія савецкія гады падпісалі Міхась Гарбачоў і Рональд Рэйган. У 2019 годзе ЗША выйшлі з дамовы пра забарону такіх ракетаў (ДРСМД), абвінаваціўшы Расею ў яе парушэнні.

«Злучаныя Штаты пад надуманай падставай выйшлі з гэтай дамовы і абвясцілі, што яны будуць такія ракетныя сістэмы вырабляць», – заявіў у пятніцу Пуцін. Паводле ягоных словаў, амерыканскія ракеты сярэдняй і малой далёкасці перакідваліся ў Еўропу «на вучэнні», а нядаўна «было абвешчана, што яны знаходзяцца на Філіпінах».

«Нам трэба на гэта рэагаваць і прыняць пастанову, што мы павінны будзем рабіць у гэтым кірунку далей. Мяркуючы з усяго, нам трэба пачаць вытворчасць гэтых ударных сістэмаў і потым, зыходзячы з рэальнай сітуацыі, прымаць пастанову, дзе, калі гэта спатрэбіцца для гарантыі нашай бяспекі, іх размяшчаць», – сказаў Пуцін.

Паводле амерыканскіх звестак, Расея ўжо мае на ўзбраенні ракеты, якія трапляюць у катэгорыю сярэдняй і малой далёкасці. Гэта ракета 9М729 комплексу «Іскандэр», якая можа быць забяспечаная ў тым ліку ядзернай боегалоўкай. Пры тым, што заяўленая далёкасць комплексу 500 км, ЗША мяркуюць, што 9М729 здольная лётаць значна далей, а пры размяшчэнні ў Калінінградскай вобласці радыус яе паразы ахоплівае заходнееўрапейскія сталіцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com