У Берасці таксісты зладзілі «разборкі» пасля падразання на дарозе

Стала вядома, чым усё скончылася для абодвух.

Суд у Берасці вынес прысуд 24-гадоваму таксісту, якога абвінавачвалі ў наўмысным прычыненні цяжкага цялеснага пашкоджання свайму калегу, паведамілі ў прэс-службе пракуратуры.

Падчас следства вызначана, што абвінавачаны 7 сакавіка падчас выканання замовы падрэзаў кіроўцу іншага таксі. Прыпаркаваўшыся, мужчына падышоў да машыны крыўдзіцеля, выказаў яму свае заўвагі і з'ехаў. Другі таксіст на гэтым не супакоіўся: ён дагнаў калегу і пачаў прыціскаць ягонае аўто да збочыны. Спыніўшыся, мужчыны пачалі размову, якая скончылася бойкай. У выніку абвінавачаны нанёс калегу цяжкія цялесныя пашкоджанні.

Суд прызнаў мужчыну вінаватым на падставе ч. 1 арт. 147 КК (Наўмыснае прычыненне цяжкага цялеснага пашкоджання) і асудзіў яго на два гады абмежавання волі без накіравання ў папраўчую ўстанову адкрытага тыпу («хатняя хімія»). У лік кампенсацыі маральнай шкоды на карысць пацярпелага суд спагнаў з абвінавачанага 5 тысячаў рублёў.

Прысуд не пачаў дзеяння і можа быць абскарджаны і апратэставаны ў апеляцыйным парадку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com