Выбары прэзідэнта ў Іране: Хто праходзіць у другі тур

Ліберальны палітык лідзіруе з 42,5 адсотка галасоў.

У Іране прайшоў першы тур прэзідэнцкіх выбараў. На наступны этап праходзяць два кандыдаты – ліберал Масуд Пезешкіян і кансерватар Саід Джалілі.

Пра гэта паведамляе IRNA.

Паводле папярэдніх вынікаў, Пезешкіян набраў 10,4 млн галасоў (42,5%), а Джалілі – 9,5 млн галасоў (38,6%).

Усяго апрацавана больш за 24,5 млн галасоў па ўсёй краіне. Як адзначаюць дзяржаўныя органы Ірана, была зафіксаваная рэкордна нізкая яўка.

З выбарчай гонкі выбылі два іншыя кандыдаты – кансерватыўны спікер парламента Махамад Багер Галібаф (ён набраў 3,83 млн галасоў) і былы міністр юстыцыі і ўнутраных спраў Мастафа Пурмахамадзі (за яго прагаласавалі блізу 206 тысячаў грамадзянаў Ірана).

Перад стартам першага туру выбараў яшчэ два кандыдаты адмовіліся ад удзелу.

Другі тур прэзідэнцкіх выбараў мусіць адбыцца ў наступную пятніцу, 5 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com