У Нямеччыне адрэагавалі на смерць былога беларускага амбасадара

Яго маглі давесці да самагубства.

Былы амбасадар Беларусі ў Нямеччыне Дзяніс Сідарэнка, як пішуць СМІ, скончыў жыццё самагубствам – скокнуў са шматпавярхоўкі.

Сідарэнка быў амбасадарам Беларусі ў Нямеччыне вельмі доўга – з 2016 да 2024 года. Яго вызвалілі ад гэтай пасады ўказам Аляксандра Лукашэнкі сёлета 11 сакавіка.

Пасля вяртання са сваёй пасольскай камандзіроўкі з Нямеччыны, Сідарэнка стаў аб'ектам увагі Камітэту дзяржаўнай бяспекі.

«Не вылазіў з паліграфаў і допытаў», – распавялі «Нашай Ніве» інфармаваныя суразмоўцы.

Новай пасады ў Міністэрстве замежных спраў Сідарэнка не атрымаў. Хаця праца амбасадарам у Нямеччыне – найбуйнейшай дзяржаве Еўразвязу, – гэта амбасадарская пасада вышэйшай лігі.

«Відаць, не вытрымаў таго, што адбываецца», – дадаў іншы інфармаваны суразмоўца.

У Сідарэнкі засталіся дзве дачкі.

У Менску гавораць, што ўсе карʼерныя дыпламаты, якія вяртаюцца з ЕЗ, зараз становяцца абʼектамі ўважлівага аператыўнага вывучэння спецслужбаў.

У Нямеччыне адрэагавалі на смерць былога амбасадара Беларусі.

«Акалічнасці смерці Дзяніса Сідарэнкі трагічныя і сімвалізуюць злачынны рэжым Аляксандра Лукашэнкі. Калі абвінавачанні ў адрас КДБ праўдзівыя, вінаватыя павінны быць уключаныя ў санкцыйны спіс ЕЗ», – заявіў (Bild@BILD_Russian) дэпутат Бундэстага Томас Хакер.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com