Выведка ЗША: Пуцін хоча ўзброіць хусітаў крылатымі ракетамі

Кіраўнік Крамля звязаўся з наследным прынцам Савудаўскай Арабіі.

Пуцін папрасіў у Савудаўскай Арабіі дазволу на перадачу крылатых ракет еменскім хусітам, паведаміў Middle East Eye высокапастаўлены амерыканскі чыноўнік са спасылкай на звесткі разведкі ЗША, піша The Moscow Times.

З ягоных слоў, для гэтага Пуцін звязаўся з наследным прынцам Савудаўскай Арабіі Мухамедам ібн Салманам, аднак той выступіў супраць узбраення хусітаў і папрасіў Расею не ўкладаць такую ўгоду. Перамовы адбыліся пасля снежаньскага візіту Пуціна ў Савудаўскую Арабію і ААЭ. Затым дэлегацыя еменскага руху «Ансар Алах» прыязджала ў Маскву на сустрэчу са спецпрадстаўніком прэзідэнта па Блізкім Усходзе і краінах Афрыкі, намеснікам кіраўніка МЗС Міхаілам Багданавым.

Экспэрт у ракетах з Міжнароднага інстытуту стратэгічных даследаванняў Фабіян Хінц уважае, што хусіты разлічвалі атрымаць ад Расеі супрацькарабельную ракету Х-31 класа «паветра – паверхня», якая можа быць пераабсталявана для запуску з зямлі. З лістапада мінулага года еменскія паўстанцы атакуюць камерцыйныя судны ў Чырвоным моры ў адказ на вайну Ізраілю ў сектары Газа, якая пачалася пасля нападу баевікоў ХАМАС на габрэйскую дзяржаву 7 кастрычніка.

Пры гэтым у ЗША асцерагаюцца, што, калі Ізраіль пачне наступленне на падкантрольную Ірану шыіцкую групоўку «Хезбала» у Ліване, гэта можа падштурхнуць Расею да аднаўлення ўгодаў з хусітамі. «Расейцы маглі б таемна забяспечваць іх праз іранцаў або даваць ім больш разведвальнай інфармацыі», – заявіў былы амбасадар ЗША ў Катары Патрык Тэрас.

Пуцін зацікаўлены ва ўзбраенні хусітаў у сувязі з вайной ва Украіне, якая працягваецца, адзначае адстаўны амерыканскі генерал Фрэнк Макензі, які ўзначальваў Цэнтральнае камандаванне ЗША ў 2019-2022 гадах. «Пуцін уважае ЗША адказнымі за ўдары Украіны па расейскіх судах у Чорным моры. Не выключана, што ён можа разглядаць дапамогу хусітам як помсту Вашынгтону», – растлумачыў ён. Таксама амерыканскія ўлады перадалі УСУ канфіскаваную ў еменскіх паўстанцаў стралковую зброю, гранатамёты і боепрыпасы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com