Кіраўнік СБУ анансаваў «шмат сюрпрызаў» для расейцаў у Крыме
2- 29.06.2024, 17:47
- 5,144
![Кіраўнік СБУ анансаваў «шмат сюрпрызаў» для расейцаў у Крыме](https://i.c97.org/ai/590916/aux-head-1712737489-20240410_vasili_maliuk_360.jpg)
Украіна рыхтуецца да знішчэння расейскіх С-500.
Кіраўнік СБУ Васіль Малюк заявіў, што Украіна ўвесь час працуе над пытаннем знішчэння расейскіх сістэм СПА ў часова акупаваным Крыме, між іншым гэта датычыцца найноўшага ЗРК С-500. Аб гэтым ён сказаў тэлеканалу «Мі Украіна» у суботу, 29 чэрвеня.
Кіраўнік СБУ анансаваў «шмат сюрпрызаў» для расейцаў у акупаваным Крыме.
«Усяму свой час, мы ўвесь час працуем, у тым ліку і над варожымі сістэмамі СПА… Планаў вельмі шмат, яны ўсё зыходзяць з аналізу аператыўнай абстаноўкі на поле бою. Са зразумелых прычын, я іх раскрываць на шырокую грамадскасць не буду», – заявіў Малюк.
12 чэрвеня начальнік ГУР Кірыл Буданаў расказваў, што войска РФ размясціла ў акупаваным Крыме найноўшыя элементы зенітнага ракетнага комплексу С-500. Ён адзначаў, што расейскія акупанты ўзмацняюць сістэму супрацьпаветранай абароны.