Навукоўцы назвалі яшчэ адну карысць рыбнага тлушчу
8- 29.06.2024, 20:23
- 6,120
Яна не такая відавочная.
Амерыканскія навукоўцы з Пенсільванскага ўніверсітэту даказалі, што ўжыванне ў ежу дадатку амега-3, які змяшчаецца ў рыбным тлушчы прыводзіць да ўмеранага, але значнага зніжэння агрэсіі. Даследаванне апублікавана ў навуковым часопісе Aggression and Violent Behavior (AVB).
Вядома, што тлустыя кіслоты амега-3, якія змяшчаюцца ў рыбе і дадатках рыбнага тлушчу звязаныя з функцыямі мозгу. Яны спрыяюць розным тыпам кагнітыўнай дзейнасці, уключаючы ўзмацненне росту нейронаў, рэгуляванне нейратрансмітэраў і экспрэсіі генаў, а таксама падтрымцы сігналаў нервовых клетак. Яны таксама памяншаюць запаленне мозгу і паляпшаюць мазгавы крывацёк.
У новым даследаванні каманда прааналізавала 29 навуковых прац, прысвечаных вымярэнню агрэсіі і ўздзеянню амега-3. Гэтыя публікацыі ахапілі амаль 30 гадоў і ўключалі звесткі 3,9 тыс. удзельнікаў.
Метааналіз паказаў, што дадаванне амега-3 прыводзіць да ўмеранага зніжэння агрэсіі. Агульнае зніжэнне агрэсіі склала 16,2% пры ўліку незалежных выбарак і крыху павялічылася да 20,4% і 27,8% пры ўліку незалежных даследаванняў і лабараторый адпаведна.
Гэтыя стабільныя працэнтныя паказчыкі дазваляюць выказаць здагадку, што дабаўкі амега-3 могуць быць вельмі эфектыўнымі ў розных групах насельніцтва і ўмовах.
«Мы чакалі ўбачыць эфект дозы, з большай карысцю пры павелічэнні порцый амега-3, але мы гэтага не знайшлі. Нават сціплае дадаванне тлустых кіслот, здаецца, карыснае», – адзначылі навукоўцы.
Аўтары аналізу падкрэслілі, што рыбін тлушч нельга лічыць панацэяй ад агрэсіўных паводзін, таму што на яго ўплывае шмат іншых фактараў нараўне з харчаваннем.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
