Літва ўзмацніла жорсткасць правіл увозу аўто з ЕЗ у Беларусь

Якія дакументы запатрабуюць на мяжы з 4 чэрвеня?

Літоўскія ўлады надумалі зрабіць больш жорсткімі правілы экспарту аўтамабіляў, набытых у Еўразвязе, у Беларусь. Новыя патрабаванні да тых, хто захоча завезці аўто з ЕЗ, агучылі ў Дэпартаменце мытні Літвы.

Паводле афіцыйных звестак, новыя правілы пачалі дзейнічаць ужо з аўторка, 4 чэрвеня. Максімум увагі паабяцалі надаваць аўтамабілям узростам да пяці гадоў, прычым незалежна ад таго, ці афармляюцца яны для экспарту, рээкспарту або транзітнай перавозкі. Ва ўсіх трох выпадках літоўскія мытнікі з сённяшняга дня ў абавязковым парадку пачнуць патрабавацца наступныя дадатковыя дакументы.

Дакументы, якія пацвярджаюць аплату і куплю тавару - дамову куплі-продажу і дакумент, які пацвярджае паступленне грошай ад пакупніка (выпіска з рахунку);

калі аўто ідзе праз мяжу не сваім ходам, транспартныя дакументы і дакументы аб аплаце перавозкі аўто да моманту яго перадачы атрымальніку ў трэцяй краіне - выпіска з банкаўскага рахунку транспартнай кампаніі;

пасведчанне аб канчатковым атрымальніку тавару (калі юрыдычная асоба - выпіска з пасведчання аб рэгістрацыі прадпрыемства) і тлумачэнне таго, дзе тавар будзе выкарыстоўвацца;

абавязацельствы/пацвярджэнні ад экспарцёра і атрымальніка тавару аб тым, што тавар не пойдзе ў Расею, не будзе прададзены або іншым чынам перададзены ў Расею;

на працягу 40 каляндарных дзён пасля дня афармлення адпаведнай экспартнай, рээкспартнай, транзітнай дэкларацыі неабходна будзе таксама падаць літоўскай старане копію мытнай дэкларацыі, якая пацвярджае заканчэнне працэдуры "размытнёўкі" аўто не ў Расеі.

Акрамя таго, літоўскі бок узмацніў патрабаванні да падачы дэкларацыі вытворцы — яе ў абавязковым парадку неабходна будзе падаваць разам з вышэйназванымі дакументамі для легкавых аўтамабіляў старэйшых за пяць гадоў. Фізічная асоба зможа вывезці такі аўтамабіль у Беларусь толькі ў выпадку, калі ён з'яўляецца ўладальнікам, яго сваякі або блізкія зрабіць гэта не змогуць, нават даўшы дазвол на гэтую працэдуру ад уладальніка.

Для тых, хто парушыць працэдуру, а літоўскія мытнікі ўсталююць факт перадачы аўто ў Расею, гэта будзе расцэньвацца як парушэнне дзейных санкцый, а ў дачыненні да чалавека, які ўвозіў аўто праз мяжу, паабяцалі правесці афіцыйнае расследаванне, да заканчэння якога яму будзе забаронена ўвозіць іншыя легкавыя аўто «да высвятлення ўсіх абставін, звязаных з рэгістрацыяй легкавога аўтамабіля, які вывозіцца ў Расеі».

Як растлумачылі ў Дэпартаменце мытні Літвы, пра такія адзіныя меры кантролю, звязаныя з рэалізацыяй антырасейскіх санкцый, 9 траўня 2024 года дамовіліся пяць краін Еўразвязу — Літва, Латвія, Эстонія, Фінляндыя і Польшча.