У Беларусі ўвялі падатковую змену, якая закранае кіроўцаў і ўладальнікаў нерухомасці

Дэталі.

З 1 чэрвеня ў Беларусі ўвялі новую форму апавяшчэння для выплаты фізічнымі асобамі транспартнага і зямельнага падаткаў, а таксама збору на нерухомасць. Пра гэта паведамляе Міністэрства падаткаў і зборах.

Нагадаем, з 1 студзеня гэтага года ўвялі змены пры аплаце транспартнага збору, а таксама падатку на нерухомую маёмасць і зямлю. Так, з’явілася адзіная аплата для гэтых падаткаў. Гаворка пра тое, што падаткавікі будуць выстаўляць агульную суму да аплаты гэтых збораў, а не дасылаць тры розныя аплаты, як гэта адбываецца зараз.

Як тлумачылі раней у МПЗ, адзіную маёмасную аплату ўвялі для "спрашчэння механізму іх выплаты".

З 1 чэрвеня ўвялі новую форму аплаты для гэтых трох падаткаў. Яе беларусы атрымаюць бліжэй да восені, калі падаткавікі падлічваюць зборы за 2023 год.

Раней у МПЗ удакладнялі, што таксама зменяцца рахункі для залічэння ў дзяржбюджэт маёмасных падаткаў.

"Выстаўленыя да выплаты маёмасныя падаткі з 1 студзеня 2024 года падлягаюць выплаце адзінага плацяжу на рахунак рэспубліканскага бюджэту на месцы пастаноўкі на ўлік фізічнай асобы — плацельшчыка маёмасных падаткаў, код плацяжу ў бюджэт — 03101 (адзіны маёмасны плацеж)", — удакладнялі ў МПЗ.