Байдэн назваў умову, пры якой будзе гатовы зняцца з выбараў
16- 17.07.2024, 9:06
- 7,722
![Байдэн назваў умову, пры якой будзе гатовы зняцца з выбараў](https://i.c97.org/ai/418716/aux-head-1618548681-20210416_joe_biden_360.jpg)
Яно звязана са здароўем.
Прэзідэнт ЗША Джо Байдэн заявіў, што адзінае, што можа прымусіць яго не ўдзельнічаць у прэзідэнцкіх выбарах-2024 - вердыкт медыкаў наконт праблем з ягоным здароўем. Аб гэтым 17 ліпеня паведаміў канал CBS Evening News.
"Калі б у мяне з'явіліся нейкія праблемы са здароўем, калі б нехта — калі б лекары прыйшлі і сказалі, што ў вас ёсць гэта праблема, то ў вас ёсць гэта праблема", — сказаў Байдэн.
Таксама ён патлумачыў, чаму перадумаў быць пераходным кандыдатам і змяніў меркаванне, пра якое абвяшчаў падчас выбараў мінулага цыклу.
«Калі я ўпершыню балатаваўся, вы можаце гэта памятаць, я сказаў, што буду пераходным кандыдатам. І я думаў, што змагу адысці ад гэтай справы і перадаць яе камусьці іншаму. Але я не чакаў, што ўсё стане настолькі, настолькі, настолькі раз'яднаным», - сказаў Байдэн інтэрв'юеру Эду Гардону.