Японія перадасць 3,3 мільярда даляраў Украіне

З даходаў ад замарожаных актываў РФ.

Японія ўступіла ў завяршальную стадыю ўзгаднення выдачы 3,3 мільярда даляраў на падтрымку Украіны за кошт замарожаных расейскіх актываў.

Пра гэта паведамляе РБК-Украіна са спасылкай на Kyodo.

Са звестак дыпламатычных крыніц выдання, гэтая сума складае больш за 6% ад агульнай сумы падтрымкі на 50 мільярдаў даляраў. Японія спяшаецца закончыць распрацоўку сістэмы рэалізацыі дапамогі да канца года.

Чакаецца, што G7 абмяркуе і дасягне агульнага пагаднення ў рамках сустрэчы міністраў фінансаў і кіраўнікоў цэнтральных банкаў G20, якая пройдзе ў Рыа-дэ-Жанейра (Бразілія) у канцы ліпеня.

Злучаныя Штаты і Еўрапейскі звяз, якія адыгрываюць вядучую ролю ў выкарыстанні замарожаных актываў Расеі, унясуць па 20 мільярдаў даляраў з 50 мільярдаў даляраў. Астатнія 10 мільярдаў даляраў падзеляць паміж сабой Японія, Вялікабрытанія і Канада.

G7 пастанавіла, што дапамога Украіне, якая зазнае расейскую агрэсію, будзе выдавацца ў выглядзе крэдыту, а інвестыцыйныя даходы ад замарожаных расейскіх актываў будуць выкарыстоўвацца для выплаты крэдыту.

Крэдыт на 50 млрд даляраў

Лідары "Вялікай сямёркі" на саміце ў чэрвені ў Італіі ўзгаднілі выдачу Украіне крэдыту на 50 мільярдаў даляраў за кошт даходаў ад расейскіх актываў, замарожаных у заходніх краінах з пачатку поўнамаштабнай вайны ва Украіне. Гэтыя сродкі плануюць перадаць Украіне да канца 2024 года.

Краіны ЕЗ плануюць выдаць да 60% неабходных сродкаў для крэдыту Украіне на суму 50 мільярдаў даляраў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com