Паліттэхнолаг патлумачыў, як расейскія «ястрабы» маглі падставіць Пуціна

Каб падняць градус ваяўнічасці.

Удар па дзіцячай лякарні «Ахматдзет» у Кіеве - гэта чарговае ваеннае злачынства Расеі, якое выклікала асуджэнне ва ўсім свеце. Але пры гэтым адна з версій абвяшчае, што Пуцін асабіста не даваў загад біць па дзецях, а зрабіў гэта нехта з крыла «ястрабаў», якія імкнуцца падняць градус ваяўнічасці яшчэ больш. Менавіта так мяркуе расейскі апазіцыйны паліттэхнолаг Абас Галямаў.

Як піша dialog.ua, у інтэрв'ю для YouTube-канала «Сейчас» аналітык заявіў, што гэта ні ў якім разе не здымае з Пуціна ўсёй адказнасці за ўдар па «Ахматдзету», бо менавіта ён прэзідэнт і гетман РФ, але агулам ястрабы» такім чынам маглі яго падставіць.

«Хутчэй за ўсё, яны заручыліся ў патрэбны момант яго абстрактнай згодай на маштабны і асабліва цынічны ўдар (не менавіта па лякарні, а ўвогуле па Украіне), - выказаў меркаванне Галямаў. - Маўляў, давайце дзяўбаннем іх, годзе ўжо слухаць гэтых праваабаронцаў і лібералаў. Трэба паказаць ім сілу, а то яны ўжо зусім ачмурэлі: дазваляюць выкарыстоўваць супраць нас амерыканскую зброю па нашай тэрыторыі, перасякаюць чырвоныя лініі, а мы трываем».

Падобная пазіцыя «ястрабаў» не была спыненая Пуціным, што яны ўспрынялі як згоду, адпаведна прыхільнікі эскалацыі «радасна пабеглі» ажыццяўляць ваеннае злачынства. Іх мэта - паглыбіць прорву паміж РФ і Захадам, зрабіць немагчымым зніжэнне градуса напружання ў вайне з Украінай.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com