Эстонія закрывае мяжу для аўто на беларускіх нумарах
21- 17.07.2024, 21:06
- 10,632
Следам за Літвой і Латвіяй.
Праз памежныя пункты Эстоніі транспартныя сродкі з беларускімі нумарамі таксама не змогуць уязджаць у гэтую краіну, незалежна ад прычын знаходжання ўладальніка ці карыстальніка ў Эстоніі ці Еўразвязе, паведамляе МЗС Эстоніі.
Міністр замежных спраў Маргус Цахкна заявіў, што забарона на ўезд у ЕЗ транспартных сродкаў з беларускімі нумарамі з'яўляецца правамернай, паколькі беларускі рэжым непасрэдна дапамагае ажыццяўляць і падтрымлівае расейскую агрэсію ва Украіне.
"Супольнае прымяненне абмежаванняў больш эфектыўнае і дае магчымасць падвысіць кошт спрыяння агрэсіі для рэжыму Беларусі, а таксама прадухіліць абыход санкцый, накладзеных на Расею", — заявіў Цахкна, запэўніўшы, што нягледзячы на забарону, Эстонія працягне падтрымліваць тых грамадзян Беларусі, якія вымушаны пакінуць краіну праз рэпрэсіі.
Згодна з Законам аб дарожным руху Эстоніі, транспартны сродак з беларускімі нумарамі ў Эстоніі павінен быць перарэгістраваны ў тэрмін ад пяці дзён да 12 месяцаў, у залежнасці ад сітуацыі. Акрамя таго, транспартны сродак павінен быць задэклараваны на мытні не пазней, чым на працягу шасці месяцаў, і неабходна заплаціць падаткі на імпарт або падаць заяўку на вызваленне ад падаткаў.
Калі транспартны сродак не будзе перарэгістраваны ва ўстаноўлены тэрмін, ён будзе выведзены з эксплуатацыі, а ўладальнік аштрафаваны. Транспартны сродак можа вярнуцца на дарогу, калі ён будзе адпавядаць патрабаванням.
Як паведамляў Charter97.org, аналагічную забарону ўвялі Літва і Латвія. Польшча таксама абмежавала ўезд аўтамабіляў з беларускімі нумарамі, аднак былі зробленыя выключэнні для ўладальнікаў аўто.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
