«Увесь разлік С-300 загінуў, шмат «двухсотых»

Сталі вядомыя наступствы ўдару па вайскоўцах РФ у Севастопалі і Балаклаве.

Расейскія СМІ паведамілі аб стратах сваіх жаўнераў з прычыны ўдараў па Крыме 1 ліпеня. Таксама аб трапленні па вайсковай часці УС РФ кажуць мясцовыя, піша «Главред».

Крамлёўскія паблікі сцвярджаюць, што ў выніку атакі на Севастопаль нібыта ліквідавана 26 расейскіх вайскоўцаў, яшчэ амаль 20 параненыя, 4 – у цяжкім стане.

У акупантаў ёсць страты і ў тэхніцы.

«Мінімум дзве ракеты прарвалі нашу СПА і патрапілі ў, скажам так, месца збору вайскоўцаў у адным з раёнаў гораду. У нас 26 загінулых. Страчаныя да дзесяці адзінак тэхнікі», – скардзяцца расейскія «ваенкары».

Сярод страчанай тэхнікі нібыта адна ўстаноўка СПА С-300. Са слоў прапагандыстаў, увесь разлік загінуў.

Тое, што адзін з прылётаў прыпаў па вайсковай часці расейцаў у Крыме, таксама распавядаў мясцовы жыхар, відавочца выбухаў непадалёк ад дому.

«Вось толькі дайшоў гук. Каштоўны кадр. Склад нейкі. Там жа вайсковая часць», – выказаўся мужчына на відэа.

Рух партызан «Крымскі вецер», у сваю чаргу, удакладняе, што прыляцеў у расейскую ракетную частку ля вёскі Флоцкае ў Балаклаве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com