Мянчанка зняла відэа, як у зоакраме жывёл для перавозкі запячатваюць у каробкі

Гэта нармальна?

Днямі беларуска зайшла ў адну з менскіх зоакрам і ўбачыла карціну, якая ёй не спадабалася. Жывёлы знаходзіліся ў зачыненых кардонных скрынках і, як здалося дзяўчыне, вельмі гучна пішчалі. У краме сцвярджаюць, што гэта нармальная сітуацыя для транспартавання жывёл, у зоаабаронцаў - сваё меркаванне, піша «Онлайнер».

«Магчыма, ёсць нейкі рэгламент аб тым, як перавозіць жывёл. Але мне здаецца, што гэта сапраўды не скрынкі, залепленыя скотчам і з некалькімі дзіркамі. Гэтага недастаткова для дыхання», - разважае чытачка.

А вось як патлумачылі сітуацыю са скрынкамі ў самой краме:

- Існуюць спецыяльныя транспартавальныя скрынкі. Калі скрынка зачыняецца, з'яўляецца спецыяльная ручка зверху, каб чалавек пераносіў жывёліну. І па баках там ужо ёсць гатовыя адтуліны. Калі гэтыя скрынкі заканчваюцца, мы бяром са склада звычайныя кардонныя, у якіх нам, напрыклад, тавар прывозілі, і ўласнаручна робім уіх дзіркі. Кардон - больш дыхальны матэрыял, чым пластмасавы бокс нават з адтулінамі, таму выкарыстоўваем яго. А яшчэ такая скрынка цямнейшая, таму жывёла пры пераездзе менш адчувае стрэс. Яны пакуль маленькія, жылі ў нас у краме і не бачылі навакольнага асяроддзя. І калі іх выносіш на двор, калі шмат усяго навокал, жывёла можа спалохацца.

Скотчам скрынкі заляпляюцца, калі гэта жывёла буйнагабарытная, напрыклад, трус ці марская свінка. Звычайную скрынку яны могуць лёгка адкрыць, таму мы страхуемся.

- Гэта нармальная практыка для зоакрамы?

- Так. Ад заводчыкаў сапраўды гэтак жа жывёл да нас прывозяць у скрынках з адтулінамі. У нас ёсць кіроўца, у аўто заўсёды уключаны кандыцыянер. Калі жывёл прывозяць, мы іх хутка распакоўваем і размяшчаем. Такога, каб скрынкі стаялі ў нас гадзінамі, сапраўды няма, - растлумачылі ў краме.

А што гаворыць закон?

Відэа з зоакрамы таксама пракаментавала кіраўніца Асацыяцыі зоаабарончых арганізацый Беларусі Аксана Давыдзенка. Ці ёсць пра што турбавацца?

- Прагледзеўшы ролік, пагаджуся, што спосаб транспартавання жывёл насцярожвае. Як мне здаецца, у такой скрынцы можа быць нядосыць паветра. Плюс незразумела, ці могуць жывёлы траўмавацца пры перавозцы (колькі іх у скрынцы). Падчас транспартавання жывёл трэба забяспечваць вадой і сачыць, каб у іх не здарыўся цеплавы ўдар.

На жаль, перавозка жывёл пакуль застаецца прабелам, закрыць якія збольшага зможа Закон "Аб адказным абыходжанні з жывёламі", які ўступае ў дзеянне толькі з 2025 года. Арт. 21 прадугледжвае абавязак уладальніка пры перавозцы «забяспечыць належны паветраабмен, месца і натуральнае становішча жывёлы, абарону жывёлы ад шкодных для яе знешніх уздзеянняў, выключыць уцёкі або гібель, калецтвы, траўмы жывёлін пры пагрузцы, перавозцы і выгрузцы, а таксама забяспечыць задавальненне яе патрэбы ў ежы, вадзе і адпачынку ў адпаведнасці з патрэбамі».

Але ўжо зараз перавозіць жывёл неабходна з захаваннем патрабаванняў, якія дзейнічаюць на адпаведным відзе транспарту. Калі жывёла пацерпіць ад няправільнага транспартавання, правамерна ставіць пытанне аб жорсткім абыходжанні («дзеянні (бяздзеянне), якія пацягнулі прычыненне шкоды здароўю»).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com