Расейскі Курск масава атакавалі беспілотнікі

З’явілася панічная рэакцыя Мінабароны РФ.

Увечары 24 ліпеня ўдарныя БПЛА атакавалі расейскі Курск і Курскую вобласць. Пра гэта ў сябе ў Telegram паведаміў выканаўца абавязкаў губернатара Аляксей Смірноў.

«У небе над Курскай вобласцю працуе СПА. Адыдзіце ад вокнаў! Набліжацца да абломкаў БПЛА і чапаць іх нельга, яны могуць нанесці шкоду», - напісаў ён.

Пазней Смірноў заявіў, што над Мядзвенскім раёнам сіламі СПА збіты нібыта ўкраінскі беспілотнік самалётнага тыпу. Ужо а 23:31 паводле менскага часу ён напісаў аб 12 збітых дронах.

А 00:24 Смірноў паведаміў пра яшчэ 4 нібыта збітыя беспілотнікі.

«Сёння ў пасёлку Юбілейны Курскага раёна з-за падзення абломкаў загарэўся прыватны жылы дом», - таксама паведаміў чыноўнік.

Рэакцыя Мінабароны Расеі

У Мінабароны РФ заявілі, што Украіна нібыта пачала атаку на тэрыторыю РФ.

«Дзяжурнымі сродкамі СПА 18 украінскіх беспілотных лятальных апаратаў знішчаны над тэрыторыяй Курскай вобласці», - заявілі ў Мінабароны краіны-агрэсара.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com