Украінская паліцыя раскрыла дэталі пра забойцу Ірыны Фарыён

Яму толькі 18 гадоў.

Ва ўкраінскай паліцыі заявілі аб наяўнасці дастатковай колькасці довадаў, каб сцвярджаць, што падазраваны 18-гадовы хлопец, якога раней затрымалі ў Дняпры, забіў мовазнаўцу і экс-нардэпа Ірыну Фарыён. Таксама праваахоўнікі раскрылі дэталі яго затрымання.

Адпаведнае паведамленне абнародавала ўкраінская Нацпаліцыя ў Telegram.

«139 гадзін бесперапыннай працы вялізнай каманды аператыўнікаў, следчых, крымінальных аналітыкаў, экспертаў, іншых паліцэйскіх службаў, супрацоўнікаў Службы бяспекі Украіны. Праверылі кожны куток па маршруце адыходу стрэлка і абшукалі блізу 100 га лесу», - гаворыцца ў паведамленні.

Паводле інфармацыі паліцыі, 18-гадовы хлопец жыў у Дняпры, але падчас падрыхтоўкі да злачынства ён арандаваў сама меней тры кватэры ў Львове.

Зараз падазраваны знаходзіцца ў паліцыі, следства «схіляецца да думкі», што стралок - толькі выканаўца і паабяцалі даць больш інфармацыі пазней.

Адзначаецца, што праз наяўнасць фота і відэа з камер назірання затрыманне падазраванага было «справай часу».

«Ідэнтыфікацыя фігуранта - карпатлівы працэс, які патрабаваў найвышэйшага прафесіяналізму, вытрымкі і дысцыпліны, каб не зрабіць ніводнай памылкі. Дзякуй усёй камандзе!», - дадалі праваахоўнікі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com