Пяскоў заявіў пра новую катастрофу ў Расеі

Расейцы могуць знікнуць?

У Расеі склалася катастрафічная сітуацыя з нараджальнасцю, заявіў у пятніцу прэс-сакратар Крамля Дзмітрый Пяскоў.

«Мы жывём у самай вялікай краіне свету. А нас кожны год становіцца менш», - сказаў Пяскоў, выступаючы ў пятніцу на Фестывалі новых медыя.

Справіцца з гэтым, паводле ягоных слоў, можна толькі павелічэннем сярэдняга каэфіцыента нараджальнасці. «Ён у нас зараз знаходзіцца на страшна нізкім узроўні - 1,4. Гэта параўнальна з еўрапейскімі краінамі, з Японіяй і гэтак далей. Але гэта катастрафічна для будучыні нацыі», - цытуе Пяскова «Коммерсантъ».

Святла ў канцы тунэля для Расеі не бачаць ні афіцыйныя, ні міжнародныя дэмографы. Згодна з базавым прагнозам Расстата, колькасць нараджэнняў дзяцей ужо ў гэтым годзе знізіцца да 1,171 млн, мінімальнага значэння больш чым за 200 гадоў, а затым ўпадзе яшчэ ніжэй – да 1,14 млн у 2027 годзе. Да 2046 года краіна страціць 12 700 000 чалавек у выніку натуральнага змяншэння, гэта значыць будзе выміраць з сярэдняй хуткасцю 500 тысяч чалавек на год, мяркуюць дэмографы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com