На Ямале прагрымеў выбух на найбуйнейшым газавым радовішчы «Раснафты»
8- 26.07.2024, 18:33
- 15,318
Ёсць загінулы.
На найбуйнейшым газавым радовішчы «Раснафты» ў ЯНАА адбыўся выбух, у выніку якога адзін чалавек загінуў, сем атрымалі раненні, піша The Moscow Times.
«На тэрыторыі ўстаноўкі комплекснай падрыхтоўкі газу і кандэнсату Усходне-Урэнгойскага ліцэнзійнага адрэзка АТ «Распан Інтэрнэшнл» у Пураўскім раёне Ямала-Ненецкай аўтаномнай акругі пры падрыхтоўцы да правядзення рамонтных работ тэхналагічнага абсталявання адбыўся выбух газапаветранай сумесі з наступным гарэннем», – інфармуе Растэхнагляд.
У акруговай пракуратуры заявілі, што сярод пацярпелых — два работнікі прадпрыемства і шэсць супрацоўнікаў падраднай арганізацыі, адзін з якіх памёр. «Траўмаваныя дастаўленыя ў медыцынскую ўстанову, дзе ім надаецца неабходная дапамога. На прадпрыемстве створаная камісія для высвятлення прычын здарэння», - прыводзіць РІА «Новости» словы прадстаўніка пракуратуры.
Да цяперашняга моманту ўзгаранне ўстаноўкі на Усходне-Урэнгойскім ліцэнзійным адрэзку лакалізаванае, дадалі ў наглядным ведамстве: «Пагроза насельніцтву і навакольнаму асяроддзю адсутнічае, на месцы арганізаваны экалагічны маніторынг».
«Распан» з'яўляецца адным з вядучых газавых праектаў «Раснафты». Ён аб'ядноўвае некалькі радовішчаў з запасамі амаль 975 мільярдаў кубаметраў газу, больш за 150 мільёнаў газавага кандэнсату і больш за 40 мільёнаў тон нафты. Таксама «дачка» «Раснафты» – гэта адзін з найбуйнейшых вытворцаў звадкаванага вуглевадароднага газу (ЗВГ) у Расеі. Асноўная частка адгрузак ЗВГ з «Распана» ажыццяўляецца па чыгунцы. Летась чыгуначныя адгрузкі ЗВГ з прадпрыемства дасягнулі амаль 888 тысяч тон, што на 386 тысяч тон больш, чым у 2022 годзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
