У закрытым Чырвоным касцёле ў Менску з'явіўся новы пробашч
3- 26.07.2024, 20:21
- 5,504
Уладзіслава Завальнюка звальняюць.
У вядомым Чырвоным касцёле ў Менску ўпершыню за 30 гадоў з'явіцца новы пробашч, ранейшага звальняюць на ягоную просьбу ў сувязі з тым, што яму споўнілася 75 гадоў. Пастанову аб змене пробашча прыняў 26 ліпеня мітрапаліт менска-магілёўскі, арцыбіскуп Іосіф Станеўскі, паведамляецца на сайце catholic.by.
Цяпер пакуль пробашчам парафіі Святых Сымона і Алены ў Менску (Чырвонага касцёла) з'яўляецца Уладзіслаў Завальнюк. Ён займае гэтую пасаду цягам 30 гадоў. Ксёндз кіруе парафіяй з 1990 года, з моманту, калі святыню перадалі вернікам пасля савецкай канфіскацыі.
Новае прызначэнне пачне дзеянне 1 жніўня, тады скончыцца тэрмін паўнамоцтваў Завальнюка, яму прысвояць званне «Ганаровага» пробашча.
Новым пробашчам парафіі будзе ксёндз Францішак Рудзь. Таксама ён стане дэканам дэканату Менск-Захад замест Завальнюка. Да гэтага ён быў пробашчам парафіі Маці Божай Будслаўскай у Менску. Дарэчы, знаходзячыся на гэтай пасадзе, ён летась ездзіў на сустрэчы з курсантамі Акадэміі МУС, а таксама ўдзельнікамі патрыятычнага клуба «Патрыёт» і расказваў ім гісторыю з'яўлення свята Вялікадня, а таксама пра традыцыі святкавання і службу ў царкоўных парафіях.
Акрамя таго, Іосіф Станеўскі прыняў пастанову звольніць ксяндза-каноніка Юрыя Санько з пасады адміністратара парафіі Святых Сымона і Алены.
Нагадаем, што Чырвоны касцёл адзін з самых вядомых помнікаў архітэктуры ў сталіцы. Праўда, для вернікаў ён зачынены з 26 верасня 2022 года пасля таго, як там пры нявысветленых абставінах адбыўся пажар. Пасля гэтага раённая адміністрацыя забараніла эксплуатацыю будынка, унутр перасталі пускаць вернікаў і святароў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
