NYT: Белавусаў тэлефанаваў у Пентагон праз таемную аперацыю Украіны

Званок кіраўніка Мінабароны РФ стаў для Вашынгтона нечаканым.

Міністр абароны Расеі Андрэй Белавусаў у пачатку ліпеня патэлефанаваў кіраўніку Пентагона, каб паведаміць пра нібыта ўкраінскую «таемную аперацыю» супраць Расеі.

Пра гэта піша The New York Times са спасылкай на ўласныя крыніцы.

Як адзначае выданне, Осцін атрымаў нечаканы званок ад Белавусава з просьбай пра размову.

Паводле словаў амерыканскіх чыноўнікаў, 12 ліпеня Белавусаў патэлефанаваў, каб перадаць папярэджанне пра выяўленую расейцамі «ўкраінскую таемную аперацыю» супраць Расеі, якую, на іх думку, ухвалілі амерыканцы. Белавусаў спытаў у Осціна, ці вядома Пентагону пра гэтую аперацыю і ці разумеюць яны, што яна можа прывесці да абвастрэння напружанасці паміж Масквой і Вашынгтонам.

Прадстаўнікі Пентагона былі здзіўленыя гэтым сцвярджэннем і не ведалі пра падобную аперацыю.

«Але што б ні сказаў Белавусаў, усе тры чыноўнікі Пентагона адзначылі, што гэта было ўспрынята даволі сур'ёзна, і амерыканцы звязаліся з украінцамі, падкрэсліўшы, што, калі яны плануюць нешта падобнае, лепш гэтага не рабіць», – піша выданне.

«Нягледзячы на глыбокую залежнасць Украіны ад ЗША ў ваеннай, выведнай і дыпламатычнай падтрымцы, украінскія чыноўнікі не заўсёды празрыстыя са сваімі амерыканскімі калегамі датычна сваіх ваенных аперацый, асабліва тых, якія накіраваныя супраць расейскіх аб'ектаў у тыле ворага. Гэтыя аперацыі расчаравалі амерыканскіх чыноўнікаў, якія мяркуюць, што яны не толькі не палепшылі пазіцыю Украіны на полі бою, але і рызыкуюць адштурхнуць еўрапейскіх хаўруснікаў і пашырыць вайну», – дадае NYT.

Выданне таксама адзначае, што да аперацый, якія выклікалі неспакой ЗША, адносіліся ўдары па расейскай авіябазе на заходнім узбярэжжы Крыма, выбух грузавіка на мосце праз Керчанскі праліў і ўдары беспілотнікаў у глыбіні тэрыторыі Расеі.

Украінскія афіцыйныя асобы адмовіліся каментаваць гэтае пытанне, таксама як і Крэмль. Міністэрства абароны Расеі таксама не адказала на запыт пра каментар.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com