Раздаліся выбухі: Дроны атакавалі НПЗ і аэрадром у Разанскай вобласці
6- 27.07.2024, 14:02
- 18,290
На аэрадроме «Дзягілева» могуць знаходзіцца расейскія Ту-22М3.
У Разанскай вобласці РФ ноччу ў суботу, 27 ліпеня, чулі магутныя выбухі. Мясцовыя жыхары паведамлялі пра працу расейскай СПА па беспілотніках у раёне НПЗ і каля ваеннага аэрадрома «Дзягілева», дзе могуць знаходзіцца бамбавікі Ту-22М3, піша Telegram-канал Astra.
У сеціве апублікавалі кадры дыму над Дзягілевам і відэа пралёту БПЛА.
Авіябаза Дзягілева ў Разані з'яўляецца месцам дыслакацыі 43-га Цэнтра баявога выкарыстання і перавучвання лётнага складу, аснашчанага самалётамі Ту-95МС, Ту-22М3, Ту-134УБЛ і запраўшчыкам Іл-78. Побач з авіябазай размешчаны 360 авіяцыйны рамонтны завод.
Маніторынгавыя Telegram-каналы пішуць, што тры барты Ту-22 селі на Дзягілеве пасля апошняга вылету 25 ліпеня.