Кітай рыхтуецца да вайны?
19- 27.07.2024, 14:09
- 21,398
Эканамісты ўказалі на важны чыннік.
Запасы сыравіны ў КНР павінны скарачацца, паколькі эканоміка краіны нядаўна перажыла глыбокі крызіс, а сусветныя кошты цяпер высокія. Аднак адбываецца зваротны працэс – запасы сыравіны ў КНР выраслі, піша BILD.
Былы аналітык Дзярждэпартамента ЗША Габрыэль Колінз кажа, што такое развіццё падзей «выклікае сур'ёзныя асцярогі» – асабліва калі ўзяць да ўвагі, што разам з запасамі Кітай таксама нарошчвае і ваенную моц. Паводле адной з версій, Кітай рыхтуецца да магчымай ізаляцыі – напрыклад, пасля нападу на Тайвань.
Паводле ацэнак экспертаў, кітайскіх запасаў пакуль што недастаткова для пачатку вайны. Факты хутчэй указваюць на тое, што Сі Цзіньпін збіраецца нарошчваць колькасць рэсурсаў.
Паводле інфармацыі The Economist, у 2023 годзе запасы КНР выраслі на 16% у цэлым, а ў 2024 годзе – на 6% толькі са студзеня да траўня. Пры гэтым, як адзначаюць журналісты, імклівае нарошчванне запасаў Пекіна супярэчыць усялякай логіцы. Прамысловы бум, падчас якога кітайскім прадпрыемствам патрабаваліся энэргія і металы, ужо ззаду – імпарт у Кітаі цяпер расце значна хутчэй, чым спажыванне.
Сярод іншага, КНР павялічыла запасы сырой нафты да 2 млрд бараляў. Запасы прыроднага і звадкаванага газу, паводле ацэнак Morgan Chase, павялічыліся ў шэсць разоў да 15 млрд куб. м і вырастуць да 85 млрд куб. м да 2030 года. Запасы пшаніцы і кукурузы ў КНР ужо сёлета складуць 51 адсотак і 67 адсоткаў сусветных запасаў адпаведна.
Паводле ацэнак аналітыкаў, да раптоўнага павелічэння запасаў Кітаем прывяла ў тым ліку вайна ва Украіне, якая дала зразумець, што Захад можа ўводзіць жорсткія санкцыі нават супраць такіх буйных спаборнікаў, як Расея.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
