Ваенны эксперт: Крым рэальна вызваліць

Акупаваны паўвостраў – слабое звяно.

Крым будзе вернуты ў склад Украіны. Гэта ўжо адбываецца поўным ходам. Расейскі акупацыйны кантынгент у Крыме паступальна, але ўпэўнена, становіцца асуджаным на поўную ізаляцыю. А за ізаляцыяй рушыць услед вызваленне, піша ваенна-палітычны аглядальнік Аляксандр Каваленка ў Telegram.

«Яшчэ да пачатку поўнамаштабнага ўварвання ва Украіну, калі мяне пыталіся, ці магчыма дыпламатычным шляхам вярнуць акупаваныя тэрыторыі, я адказваў, што такі шанец – мінімальны, але ёсць. Пры гэтым першай вернецца Луганская, а потым Данецкая вобласць, вяртанне ж Крыма можа заняць дзесяцігоддзі. Але пасля поўнамаштабнага ўварвання на пытанне пра ваеннае вяртанне тэрыторый я адзначаў, што паўвостраў будзе вызвалены раней за Луганшчыну і Данеччыну. І меркавання свайго не змяніў», – адзначыў эксперт.

Паводле ягоных словаў, Крым сапраўды з'яўляецца самым уразлівым звяном сярод усіх часова акупаваных тэрыторый Украіны – асабліва ў параўнанні з Данецкай і Луганскай абласцямі.

«Паўвостраў застаецца вельмі ўразлівым у пытаннях лагістыкі і можа быць ізаляваны нават без папярэдняга вызвалення мацерыковага поўдня. Прычым гэты працэс стварэння ўмоваў ізаляцыі ўжо ідзе поўным ходам», – заявіў ён.

Каваленка акцэнтаваў, што з пачатку шырокай вайны ствараліся ўмовы для вызвалення Крыма: «Увесь гэты час мы з вамі былі і будзем сведкамі фармавання комплексу ўмоваў, якія цяпер знаходзяцца на розных этапах рэалізацыі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com