Расейцы стварылі новага «франкенштэйна»

З рэштак БМП-1 і мінамёта «Васілёк».

Расейцы стварылі чарговага «монстра Франкенштэйна» для выкарыстання на фронце ва Украіне. На гэты раз скрыжавалі лафет 82-мм аўтаматычнага мінамёта 2Б9 «Васілёк» з 73-мм прыладай 2А28 «Гром» ад БМП-1. На гэта звярнуў увагу ваенны аглядальнік Аляксандр Каваленка ў Telegram.

На думку аналітыка, з'яўленне новага «гамункулуса» ў расейскім войску з'яўляецца прамым вынікам вялізных стратаў у бронятэхніцы, панесеных з пачатку поўнамаштабнага ўварвання. Так, паводле верыфікаваных звестак расейцы страцілі знішчанымі, пашкоджанымі і затрафеенымі УСУ не меней за 850 БМП-1, а паводле ацэначных звестак – больш за 1500 адзінак.

Акрамя таго, на складах у Расеі да гэтага часу ёсць больш за 1 тысячу БМП-1, але, як мяркуюць эксперты, амаль усе яны не падпадаюць пад аднаўленне.

Паводле словаў Каваленкі, у сотняў непрыдатных да рамонту БМП-1 на базах захоўвання і сотняў знішчаных у баях часта застаюцца непашкоджанымі ствалы. Вось іх расейцы і надумалі выкарыстаць для стварэння «даўно забытага класу лёгкай пяхотнай прылады падтрымкі», паколькі гэтыя ствалы ад знішчаных БМП – залішні рэсурс.

«Пра якасць стральбы і дакладнасць можна меркаваць з прыкладзенага відэа, нават не будучы экспертам. Якасць узроўню “ездзіць-страляе”... дакладней “валакуць-страляе”, але як агнявы элемент суправаджэння штурмавой дзейнасці суіцыднікаў РАВ, думаю, хутка будзе выкарыстоўвацца паўсюдна», – адзначае Каваленка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com