«Мясцовыя жыхары вельмі збянтэжыліся выбухамі»

У ГУР расказалі падрабязнасці знішчэння трох гелікаптэраў у РФ.

Галоўнае ўпраўленне разведкі Мінабароны Украіны знішчыла тры расейскія гелікаптэры ў Самары і пад Масквой. Пра гэта паведамілі ў тэлеграм-канале ведамства 27 ліпеня.

Так, 24 ліпеня на аэрадроме «Краж» у горадзе Самара ў РФ згарэў вайсковы шматмэтавы гелікаптэр Мі-8. А некалькімі днямі раней, 21 ліпеня 2024 года, у населеным пункце Таміліна пад Масквой агнявое пашкоджанне зазналі яшчэ два гелікаптэры краіны-агрэсара – ударны Мі-28 і шматмэтавы Ка-226.

«Названыя два барты былі размешчаны на тэрыторыі расейскага «Нацыянальнага цэнтра верталётабудавання Міль і Камаў». Гэта вайсковае авіяцыйнае прадпрыемства дзяржавы-агрэсара займаецца распрацоўкай, вытворчасцю і рамонтам гелікаптэраў. У структуры цэнтра дзейнічае два канструктарскія бюро, доследная вытворчасць, эксперыментальна-даследчы комплекс і выпрабавальны цэнтр», – растлумачылі ў Галоўным упраўленні разведкі.

Адзначаецца, што названыя гелікаптэры Расея выкарыстоўвала ў вайне супраць Украіны.

«Мясцовыя жыхары Самары, Таміліна і суседняга Падмаскоўя вельмі збянтэжыліся выбухамі, зрэшты расейскія ўлады спрабуюць схаваць прычыны і наступствы грукату і пажару», – кажуць у ГУР.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com