Кіраўнік МЗС Польшчы зноў дапусціў поўнае закрыццё мяжы з Беларуссю

Рэжыму Лукашэнкі выстаўленыя два патрабаванні.

Міністр замежных спраў Польшчы Радаслаў Сікорскі ў эфіры Radio Zet заявіў, што не выключае ніякіх варыянтаў разгортвання падзей, адзначыўшы, што размова ідзе аб спыненні пропуску грузаў.

«Беларусь пасылае нам сотні мігрантаў з расейскімі візамі, якія патрапілі ў Расею з краін міграцыйнай пагрозы, для якіх раней Расея і Беларусь знялі абмежаванні. Гэта акцыя, якую ўключаюць і выключаюць. Ёсць такія месяцы, калі ў нас нуль мігрантаў, а пасля раптам 300-400 чалавек кожны дзень. Ад Беларусі залежыць, яна хоча мець найлепшыя добрасуседскія дачыненні з Польшчай ці горшыя.

У нас ёсць асноўныя пастулаты: павінен выйсці Анджэй Пачобут і павінна скончыцца акцыя сілавой высылкі мігрантаў», – сказаў ён.

«Не выключаю любыя варыянты», – адказаў ён на ўдакладняючае пытанне аб тым, будзе закрыццё мяжы ці не.

«Аб пераходах для людзей не гаворым, не будзем ускладняць жыццё звычайным палякам і беларусам», – дадаў Сікорскі.

Нагадаем, у канцы чэрвеня Радаслаў Сікорскі ў эфіры тэлевізіі ўжо казаў, што польскі бок разглядае закрыццё ўсіх памежных пераходаў на мяжы з Беларуссю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com