Bloomberg: Дэмакраты-кангрэсмэны пастанавілі папрасіць Байдэна выйсці з гонкі

Дзясяткі кангрэсмэнаў разглядаюць магчымасць падпісаць ліст да прэзідэнта ЗША.

Дзясяткі кангрэсмэнаў ад Дэмакратычнай партыі ЗША разглядаюць магчымасць падпісаць ліст да прэзідэнта Джо Байдэна з патрабаваннем выйсці з перадвыбарнай гонкі пасля ягонага няўдалага выступу на дэбатах з рэспубліканцам Дональдам Трампам, піша Bloomberg са спасылкай на крыніцу ў партыі.

Агенцтва таксама паведамляе, што Байдэн тэлефанаваў лідару большасці ў сенаце, дэмакрату Чаку Шумеру і лідару Дэмакратычнай партыі ў палаце прадстаўнікоў Хакіму Джэфрысу. Таксама ў яго была запланаваная размова з блізкім хаўруснікам, чальцом палаты прадстаўнікоў ад Паўднёвай Караліны Джэймсам Клайбернам, расказалі суразмоўцы Bloomberg.

Клайберн раней адзначаў, што калі Байдэн не зможа далей удзельнічаць у прэзідэнцкай гонцы, то ён падтрымае адкрыты сход для выбару замены, у якасці прыярытэтнай кандыдатуры ён назваў віцэ-прэзідэнтку Камалу Харыс. Яна сама 3 ліпеня сышла ад адказу на пытанне, ці гатовая яна стаць кандыдаткай замест Байдэна.

Bloomberg паказвае, што ў кангрэсе расце паніка наконт кандыдатуры Байдэна, бо прадаўжэнне ягонага ўдзелу ў перадвыбарнай гонцы можа павярнуцца прыходам да ўлады Трампа і ў цэлым рэспубліканцаў. Адзін з памагатых кангрэсмэна з палаты прадстаўнікоў сказаў, што чальцы палаты пачуваюцца адданымі на фоне няўдалых дэбатаў і таго, як каманда Байдэна спраўляецца з імі.

Дэбаты Байдэна з Трампам прайшлі ў ноч на 28 чэрвеня на тэлеканале CNN. Дзейны прэзідэнт падчас іх выглядаў разгубленым, часам невыразна гаварыў і запінаўся. Пасля іх было праведзенае апытанне, паводле якога 67% рэспандэнтаў аддалі перамогу Трампу, 33% – Байдэну. 30 чэрвеня з'явілася апытанне тэлеканала CBS і інстытута вывучэння грамадскай думкі YouGov, паводле якога 72% амерыканцаў мяркуюць, што кагнітыўныя магчымасці і вастрыня розуму Байдэна не дазволяць яму змагацца за пасаду прэзідэнта ЗША. Датычна Трампа такое меркаванне выказалі 49% апытаных.

Кіраўнік дзяржавы тлумачыў сваю няўдачу тым, што перад дэбатамі «надумаў падарожнічаць вакол свету пару разоў» і потым «ледзь не заснуў».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com