Экспэрт: Трамп выставіць Пуціну ультыматум у безапеляцыйнай форме

У выпадку перамогі на выбарах палітык прапануе вельмі простую схему.

Расейскі юрыст і апазіцыянер Марк Фейгін расказаў, якога кшталту мірны план гатовы неўзабаве прапанаваць Трамп Украіне і Расеі. Паколькі Трамп бізнэсовец, а не палітык, то менавіта з гэтай пазіцыі ён і дзейнічае, паведаміў Марк Фейгін.

Экс-прэзідэнту ЗША, які мае надзею зноў стаць кіраўніком Белага дома, важна скончыць вайну ва Украіне, але зрабіць гэта на сваіх умовах.

Пра гэта Марк Фейгін расказаў у інтэрв'ю для Дзмітрыя Гардона на канале YouTube.

Расейскі апазіцыянер выказаў сваё меркаванне наконт таго, што збіраецца прапанаваць : «Што прапануе яму Трамп у маім уяўленні, як я сабе гэта ўяўляю? Я думаю, што Трамп прапануе вельмі простую схему чыста бізнэсовую, пры якой скажа: «Ты ж займаеш там 20% тэрыторый? Вось гэта табе 20% тэрыторый, а 80% сыходзяць назаўжды, і мы гэта нават не абмяркоўваем». Ніякага суверэнітэту, ніякага нейтралітэту, нічога. 20% ніхто не прызнае часткай тэрыторыі Расеі, але яны будуць акупаваць гэтую тэрыторыю, а астатнія 80% не павінны быць у нейтральным статусе, у пазаблокавым статусе: яны павінны свой суверэнітэт у поўным аб'ёме ажыццяўляць. Я маю на ўвазе Украіну, афіцыйны Кіеў».

Пасля гэтага Марк Фейгін патлумачыў, чаму Крэмль не пагодзіцца на «мірны план» Трампа: «Гэта шлях адназначна ў NАТО і ўсюды. Менавіта гэта і прапануе Трамп, і Пуцін адмовіцца ад гэтага. Санкцыі ён можа зняць у абмен на гэта. Гэта опцыя, якая можа быць прапанаваная, але Пуцін адмовіцца. Чаму? Таму што гэта значыць, што ён саступіў, бо 80% гіганцкага ўсходнееўрапейскага славянскага назаўжды развітваюцца з Масквой, і зрабіць больш нічога нельга будзе, нічога».

«Што да 20% пакінутых тэрыторый, то гэта яшчэ, ведаеце... Мы ўсякае бачылі: сёння вашае стала нашым. Так, на гэта спатрэбіцца больш часу, для гэтага трэба чакаць хаосу ў самой Расеі, але гэта не назаўжды», - падсумаваў юрыст.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com