У Беларусі эксплуатуюць дзяцей з акупаваных тэрыторый Украіны
8- 30.07.2024, 10:20
- 11,658
![У Беларусі эксплуатуюць дзяцей з акупаваных тэрыторый Украіны](https://i.c97.org/ai/604782/aux-head-1722323997-20240730_deti_talai_360.jpg)
Лукашыст Талай выкарыстоўвае дзіцячую працу.
Фонд лукашыста Аляксея Талая вывозіць дзяцей з акупаванага Данбаса ў Беларусь нібыта на «аздараўленне». У сеціве з'явілася відэа, дзе гэтыя дзеці… працуюць на рамонце былой сядзібы Раманавых пад Барысавам.
Менавіта там Талай хоча арганізаваць «рэабілітацыйны» цэнтр свайго фонду.
Барысаўцы ў каментарах абураныя эксплуатацыяй дзяцей і тым, што яны працуюць без элементарных ахоўных сродкаў - без пальчатак і рэспіратараў. Але з маскоўскім святаром.
«Талай паказаў сваё сапраўднае стаўленне да дзяцей. Наўрад ці дзеці з часова акупаваных тэрыторый, у якіх Расея скрала дзяцінства, марылі правесці вакацыі, будуючы сядзібу самаўлюбёнаму лукашысту. І грэбаванне мерамі бяспекі можа адгукнуцца на далікатным дзіцячым здароўі. Талай хоча дапоўніць спіс сваіх злачынстваў артыкулам за выкарыстанне дзіцячай працы», - піша чытач сайта Charter97.org.