Расейцы спынілі штурмавыя дзеянні на Пакроўскім кірунку
- 30.07.2024, 10:58
- 5,604
![Расейцы спынілі штурмавыя дзеянні на Пакроўскім кірунку](https://i.c97.org/ai/547080/aux-head-1683441537-20230507_kulemet_360.jpg)
Афіцэр УСУ назваў прычыну.
Расейскія акупанты шукаюць слабыя месцы ўкраінскіх абаронцаў для канцэнтрацыі сіл. Пра гэта расказаў афіцэр 59-й асобнай мотапяхотнай брыгады імя Якава Гандзюка Сяргей Цэхоцкі.
Паводле ягоных слоў, Пакроўскі і Курахаўскі кірункі самыя гарачыя.
«Але не варта змяншаць увагу да іншых кірункаў. Таму што вораг падступны і заўсёды шукае слабыя месцы для канцэнтрацыі сваіх сіл. У мінулую суботу і нядзелю, пасля працяглых пяхотных штурмаў, на Пакроўскім кірунку былі магутныя атакі з выкарыстаннем тэхнікі. За гэтыя два дні было знішчана і пашкоджана амаль 39 адзінак тэхнікі і ліквідавана 206 акупантаў. Бачым вынік, у ворага вялікіх прасоўванняў няма», - растлумачыў Цэхоцкі ў эфіры тэлеканала «Эспрэса».
Ён таксама паведаміў, што за апошнія дні на Пакроўскім кірунку штурмавых дзеянняў з боку супраціўніка не адбывалася.
«Дзякуючы нашым майстрам палётаў беспілотных сістэм удалося знішчыць танкі Т-72, БМП-2. Нягледзячы на тое, што вораг сёння не праводзіў штурмавых наступальных дзеянняў, мы працягваем паспяхова дзейнічаць. За гэтыя дні Сілы абароны знішчылі шмат расейскіх пунктаў кіравання і тэхніку ў тыле ворага. Майстэрства нашых байцоў і маральны дух заўсёды на высокім узроўні, асабліва калі ёсць неабходныя сродкі для барацьбы з ворагам», - дадаў Цэхоцкі.