У Сенненскай ЦРБ у медыкаў пачалі правяраць тэлефоны
12- 30.07.2024, 12:06
- 11,416
![У Сенненскай ЦРБ у медыкаў пачалі правяраць тэлефоны](https://i.c97.org/ai/544043/aux-head-1681383646-20230413_medic_360.jpg)
Галоўная лекарка правяла рэйд.
У Сенненскай цэнтральнай раённай лякарні выявілі пяць супрацоўнікаў з падпіскамі на "экстрэмісцкія" тэлеграм-каналы.
Пра гэта расказала віцебскай тэлевізіі галоўная лекарка медычнай установы Крысціна Гарчынская. Увагу на ролік звярнуў тэлеграм-канал "Віцебск, я гуляю".
Спікерка адзначыла, што для супрацьдзеяння "экстрэмізму" з калектывам ЦРБ праводзяцца нарады. Акрамя таго, усе работнікі падпісваюць пэўныя "абавязанні" пры прыёме на працу.